جربت تعمل عنوان جديد ، وتكتب محتوى أحسن وتغير في استراتيجية استهدافك ولسة مش قادر توصل لنتيجة كويسة ؟ ‏‎grin‎‏ رمز تعبيري
النتيجة مش زي ما
متوقع ،
الموضوع أكبر من مجرد محتوى وعنوان وصورة وخلاص ، خد بالك إنك بتبقى محتاج تجذب العميل بتاعك للإعلان اللي أنت مقدمه على الفيس بوك، عشان كدة احنا جمعنالك أكتر من طريقة عشان تحسن بيهم الإعلان بتاعك
1- الألوان
استخدم ألوان متناقضة عشان تجذب الانتبباه ، لأنك لو استخدمت ألوان قريبة من بعض مش هيبقى في تأثير كويس للإعلان بتاعك ، خصوصًا لو الألوان قريبة من ألوان الفيس بوك ، لأنه بالشكل ده مش هيحس بحاجة غريبة والموضوع هيعدي عليه كأنه مشافهوش ، ده العكس لو إعلانك مختلف عن ألوان الفيس بوك ، ده هيشد انتباهه أكتر وهيبقى مهتم يعرف إيه هي الحاجة الغريبة دي
2- استخدم اطار لونه مختلف
لو بصيت هتلاقي إن اللون البرتقالي مثلًا متناقض جدًا مع اللون الأزرق ، فحاول تعمل كدة في إعلاناتك علشان تجذب للصورة بتاعتك وللإعلان من بعدها
3- أزمة الـ 20 %
طبيعي إنك في بعض الأوقات بتبقى محتاج تزود الكلام بتاعك في الصورة اللي فيها الإعلان ، ولكن بتواجعك عقبة إن الفيس بوك مش بيقبل يكون الكلام أكتر من 20 % ، الجديد بقى إن الموضوع ده بدأ يتلغي ،
4- الترويج بالرأس
أيوة هو اسمه كدة 😂 ، وده بيبقى عبارة إنك بتستغل الترويج لحدث معين أو شخصية معروفة ، وبنستغل معرفة الناس ليه ، عشان نروج للحدث بأسمه ، وده بيبقى ليه تأثير إيجابي كبير جدًا
قولولنا بقى إيه أبرز المشاكل اللي بتواجهكوا محتاجين ليها حل ؟